Tripura CM in Sumdawnna kawngkapui siam intiam

Tripura Chief Minister Biplab Kumar Deb chuan Pathianni khan a kaihhruai sorkar chuan hmarchhak tana sumdawmnna kawng­kapui, gateway of co­mme­rce and culture a siam dawn thu a sawi.

CM Biplap Kumar Deb hian “Strengthening Indo-Bangladesh Rela­tions” program, Agartala Press Club-a neihah thu a sawi a, hmarchhak tana gateway of commerce and culture an siamna tur chu Sabroom hmunah a nih thu sawiin Feni lei dawh zawh a nih hunah hna an ṭan dawn thu a sawi. Hmarchhak chu Ash­ta­laxmi of India-a siam an tum thu a sawi bawk.

Lei dawh pawh chu amah ngei pawhin a enfiahpui fo thu sawiin ban 19 phun a nih tawh thu a sawi a, December 2019-ah chuan lei chu an dawh zawh beisei a nih thu a sawi bawk a ni.

Deb chuan Tripura sorkar thar chuan an theih ang tawka sum khawl an tum thu a sawi bawk.

CM Deb chuan, "Sum­dawng mi chuan cheng hnih a neih chuan pawisa 25 chu dahṭhat a tum ngei ang, kan sorkar pawhin chutiang chiah chuan hma kan la dawn a ni. A theihna kawng kawngah pawisa kan khawl dawn a ni" a ti.