Meghalaya dist pathumah tuilian thut thei

China a ruahsur nasa vanga Tsangpo luia tui an sah avangin Brahmaputra/Siang lui a fawn nasa hle a, Meghalaya-a district pathumah tui a len mai a hlauh­thawnawm niin thu­neitute chuan an sawi.

West Garo Hills, North Garo Hills leh South West Garo Hills deputy commissioner-te chuan disaster management team-te chu Inrinni khan inralring reng turin an hriattir.

Revenue and Disaster management official chuan heng district pathum­ hnen aṭang hian inralring tura hriattirna an dawn thu sawiin China sorkarin tui a sah avanga Brahmaputra tui kuang lian zel chu an tan a hlauh­awm ve thei tih a sawi.

West Garo Hills dis­trict deputy commi­ssioner Ram Singh pawhin thil awmdan chu district thuneitute chuan uluk taka an enfiah reng thu a sawi.

District Disaster Manage­mentn thuneitu ten a ṭul an tih chuan hmun hniam lama awm te chu an sawnchhuah dawn thu sawi bawk.

Arunachal Pradesh-a Siang lui lian vang hian mi 34 chu chhanchhuah an ni tawh a, heng mi te hi Siang luia thliarkarah an tang a, Indian Air Force team ten an chhanchhuak a ni.

China sorkar chuan tui cumec 9020 an sah thu kar hmasa Nilaini khan India sorkar an hriattir a ni.