Meghalaya: AIJIF ten coal phurh nana NH-51 hman dodal

Meghalaya-a Tura-a A’chik Indi­genous Justice Initiative Forum (AIJIF) chuan lungalhthei, coal phurh nana National Highway - 51 hman chu an duh loh thu leh an dodal thu an sawi.

Coal laichhuaktu pawlte chuan state sorkar hnenah Assam Goalpara-a Krishnai lei a chim avangin NH – 51 hi coal phurh nan an dil a ni.

AIJIF director Alex K Sangma chuan NH-51 coal phurh nana hman chuan an kawngpuite chu a tichhe nasa hle dawn tih sawiin, thla rei lote atan chauh pawh nise an dodal tlat thu a sawi. Helai kawngpui hi Garo Hills-a kawngpui ṭha awm chhun a nih thu sawiin NH-62 anga maia tihchhiat ve an phal dawn loh thu a sawi.

NH 62 hi coal phurhna kawng ber a ni ṭhin a, kawngpui a chhiat phah nasat avangin South Garo Hills-a chengte chuan an tuar nasa hle a ni. AIJIF-te hian NH 51 pawh hi a chhiat leh mai an hlauh thu sawiin mi tam takin an tuar dawn niin an sawi a ni. Forum chuan sorkar hnenah he kawngpuia coal phurh hi phal lo turin an ngen bawk.