Meghalaya NPP hruaitu dam chhung tang turin hrem

Meghalaya-a Jaintia Hills region-a National People's Party (NPP) working president Nidamon Chullet chu kum 2008-a tualthahnaa a inhnamhnawih avangin dam chhung tang tura hrem a ni.

Kum 2008, February thla khan Jowai, West Jaintia Hills district-a an intihbuainaah Ewanin Lhuid thah a nih avangin Jowai District and Sessions Court chuan Chullet bakah midang pakhat, Koming Rabon-te chu thiam loh a chantir.

Indian Penal Code (IPC)-a Section 302 (murder) hnuaiah Chullet hi jail-ah dam chhung tang tura hrem a ni a, Rs 50,000 chawi tura tih a ni bawk. Rabon erawh chu ruang a dah bo avangin kum sarih tang tura hrem a ni thung a, Rs 10,000 chawi tir a ni bawk.

Chullet hi Jaintia Hills Truck Owners' Association (JHTOA) president a ni bawk a, Agnes Kharsiing leh Amita Sangmap-te beih an nih chungchungah pawh mawhphurtua puh a ni. Kum 2018, November thla khan Kharsiing,Sangma leh an driver chu lungalhthei phur motor thla an lak avangin mi 40 velin an bei a, heng mite hi Chullet hian a ho nia sawi a ni.