AP CM-in Siang lui chung chang sorkar laipuiah thlen

Arunachal Pradesh Chief Minister Pema Khandu chuan Thawhlehni khan Union Home Minister Rajnath Singh hnenah lehkha thawnin Siang lui lianin chhiatna nasa tak a thlen chungchangah inter-ministerial meeting nei tura a duh thu leh hmun ṭhenkhatah chuan khua a khen deuh thu a hrilh.

Chief Minister chuan Siang lui chu a len zel thu ziakin hlauhawm chin chhin­chhiahna aiin a luang sang tawh tih a ziak bawk.

Pema Khandu chuan tuilian chuan chenna in eng emaw zat a tihchhiat thu sawiin, tui lian thut chuan chirh a keng tel nasa hle tih a sawi a, chu chuan tualchhung mite tan harsatna nasa tak a siam niin a sawi a ni.

Hetih mek lai hian CM Khandu chuan Wast Siang district-a thingtlang khaw ṭhenkhat leh Lower Dibang Valley district-ah chuan khaw­kheng an tawrh mek thu a sawi thung a, an thlai te pawhin nasa takin a tuar niin a sawi.

Khandu chuan Home Ministry chu inter-ministerial team an state tlawh tura tir turin a ngen a, tuilenna hmun leh khawkhenna hmun te chu enfiah a, an dinhmun diktak hriatfiah sak turin leh chhawmdawlna pawh a rang thei ang bera an mamawh ang pe turin a ngen a ni.