National Award for Teachers 2017 Hmarchhak mi 9 in dawng

Nilaini-a Teacher's Day hmanah khan hmarchhak zirtirtu pakua hnenah National Award for Teachers 2017 hlan an ni.

Vice President M Venkaiah Naidu chuan Vigyan Bhawan, New Delhi-ah kum 2017 chhunga zirtirtu thawk ṭha te hnen­ah hian award hi a hlan. Prime Minister Narendra Modi pawhin heng zirtirtute kawmna hun hi a nei bawk.

Hmachhak aṭanga he award dawngtute hi Tripura mi Sutapa Sur, Darrang, Assam mi Sashanka Hazarika, mathe­matics leh science zirtirtu Naga­land mi Motilal Koirala, of Sikkim aṭangin Mamta Awasthy leh Karma Chomu Bhutia, Pasighat, Arunachal Pradesh-a school headmaster Lutni Perm, Mizoram mi GS Zaithantluanga leh Manipur mi Khangembam Indrakumar Singh-te an ni.

Award hian citation, silver medal leh pawisa fai cheng 50,000 a kengtel.

Ministry of Human Resource Development chuan tunhnai lawkah khan National Award for Teachers dawng thei tur thlan dan tur kaihhruaina a tichhuak a, hetah hian zirtirtu kal ṭha mai bakah kum 15 tal zirtirna hna thawk tawh te tan a nih thu an lo tarlang tawh a ni.