Hel ni ngeia hriat ten Manipur Assam Rifle post bei

Manipur Chandel district-a Assam Rifle post chu Nilaini khan hel ni ngeia hriat ten an bei niin police te chuan an sawi.

Police-te chuan thi leh hliam an awm thu an sawilang lo thung.

Assam Rifle post, hel ni ngeia hriat ten an beih hi Sajit Tampak bula Aigijang thingtlang khuaa mi a ni a, Nilaini zingah khan silai hmangin an bei a ni.

Assam Rifle-te hian an kap let ve nghal tih sawiin minute eng emaw zat an inkah hnuah hel te hi ramhnuai lamah an tlanchhia niin police-te chuan an sawi a, Assam Rifle lam pawh hian tumah kahhlum emaw kahhliam an nei bik lo niin an sawi.

An inkah thu hriat a nih velah hian security force thawnluh belh nghal a ni a, AR post beitute zawn hna beihpui hi thlak nghal a ni.