Tripura Panchayat by election-ah CPI(ML) tel dawn lo

Tripura-a Communist Party of Marxixt-Leninist (CPI-ML)-te chuan Nilaini khan Press Conference-ah Panchayat by election-ah an tel dawn lo tih sawiin panchayat inthlan ṭhat chu dan a nih loh thu leh ram danpui kalh a nih thu an sawi.

CPI(ML) chuan BJP in sorkarna an chan aṭangin state chhungah mipuiten funda­mental right an nei tawh lo tih an sawi bawk.

CPI(ML) state secretary Parth Karmakar chuan Panchayat- Act 1993 hnuaiah chuan thihna emaw party aṭanga ban an ni emaw, suspend emaw an nih chauh loh chuan panchayat by-election chu neih theih a ni lo tih a sawi. Hetihlai hian Gram Panchayat 3207, Panchayat Samiti 161 leh Jilla Parishad 18-te chu a awl a, eng vanga awl nge tih zawtin, a chhan chu state chhungah dan leh thupek palzutna a tam vang tih a sawi.

Tripura Panchayat inthlan ṭhat turah hian indigenous party pahnih- IPFT leh INPT-te pawh an tel dawn lo a ni.