NSCN(IM) hel te man an ni ang : Manipur CM
Manipur Chief Minister N. Biren Singh chuan Nilaini khan National Socialist Council of Nagaland- Isak Muivah (NSCN-IM) mite man turin trooper leh police commando Tamenglong district-ah an kal thu a sawi.
NSCN-IM mi te hian AMSU member leh singer-te chu Thawhṭanni khan kut an thlak a ni.
Biren Singh chuan NSCN(IM)-te chuan poice-te leh 57 Mountain Brigade personnel te chu pawikhawihtu man tur hian an kal nghal tih a sawi. Thawhṭanni khan All Manipur Students’ Union (AMSU)-te chu Assam-a function an hmang zo an haw lam Tamenglong district-a Nungba bul, NH-37-ah hel pawl te hian kut an lo thlak a ni.
AMSU President Manjit Sarangthem chuan mi pali, NSCN-IM mi nia inchhal te chuan an bus an lo tihdin thu leh cheng 500 ṭheuh an dil thu a sawi a, general secretary S. Anil leh hmeichhe ṭhenkhat kut an thlak tih a sawi bawk.
Bus-ah hian zirlai pawl te leh an zaithiam hruai te an chuang tih a sawi a, pawisa hi an pe lo a nih chuan Naga area hi an pel thei dawn lo tih sawiin Manipuri flag tar chunga tlan tlang an phal loh thu an sawi tih a sawi bawk.
Sarangthem chuan pawikhawihtu te hi darkar 72 chhunga man an nih loh chuan AMSU chuan nawrh an huaihawt dawn tih a sawi a ni.