Assam-ah ni khatah hri kai thar aiin enkawl dam tam

Assam-ah Nilaini khan hri kai mi 95 hmuh chhuah belh an ni a, hemi ni vek hian hri kai enkawl zinga mi 231 chu an result a negative tawh avangin damdawiin aṭangin chhuah an ni thung. 

Nimin khan hri kai hi mi 89  hmuh belh an ni leh bawk, heng mite nen hian Assam-a hri kai hmuh tawh zat hi mi 4,694 an tling tawh a,  heng zinga 2,642 chu enkawl dam ni tawhin, mi pariatin an thihpui a, state dangah enkawl turin mi pathum an kal bawk. Hri kai mek hi mi 2,041 an awm. 

June 15 aṭang khan ni thum chhung chu a zawnin hri kai hmuh thar aiin enkawl dam hi an tam tawh zawk a, recovery rate hi 57% a tling tawh a ni.