Manipur-ah Covid-19 kai pun belh
Manipur-a sample test zingah Nilaini khan mi 52-in Covid-19 an kai tih hmuh chhuah belh leh a ni. Hemi ni vek hian hri kai enkawl mek zinga 33 chu enkawl dam niin Regional Institute of Medical Sciences (RIMS)
aṭangin chhuah tir an ni.
Manipur-a hri kai hmuh tawh hi mi 552 an tling tawh a, an zinga mi 192 chu enkawl dam an ni tawh thung.
Nilainia hri kai hmuh thar zingah hian hmeichhia 20 an tel. An vai hian ngaihtuahawm an awm lo a, Imphal-a Covid-19 Care Centre-ah dah luh a ni.
Sample test tur inhnawhkhawm avangin sorkar laipui leh state sorkar hmalaknain RIMS leh JNIMS-ah RT-PCR khawl panga hman an ni tawh a, ni khatah sample 1,200 an endik thei tawh a ni.