Meghalaya CM in sorkar e-office tlangzarh

Meghalaya Chief Minister Conrad K Sangma chuan sorkar e-office a tlangzarh.

Conrad Sangma hi Meghalaya Legislative Assembly atan Nilaini khan lakluh a ni bawk.

CM chuan e-office chuan file ṭhen­khat leh buaina ṭhen­khat chu awlsam zawkin a chingfel thei dawn tih sawiin nitina office kalphung chu ṭangkai zawkin a thlak danglam dawn tih a sawi.

e-office hian inter-government leh intra-government transaction ṭangkai zawk, sawt zawk leh langtlang zawk siam chu a tum ber a ni a, file kalkual vel pawh digital veka kaltir an tum a ni.

CM chuan e-office hmang hian file chhuizui pawh a awlsam phah dawn tih sawiin, record vawn pawh a awlsam zawk dawn tih a sawi.

A kalhmang tur chu boruak tibawlh­hlawh lo zawng a ni tur chu lawmawm a tih thu sawiin, paper hmanna pawh a tlem dawn tih a sawi bawk. e-office hi National Informatics Centre (NIC) buatsaih a ni.