Tripura: CPI(M) in CPI(ML) thutlukna pawmpui

Communist Party of India- Marxist (CPI-M) chuan Thawhlehni-a Communist Party of India- Marxist Lenn­nism (CPI-ML) thutlukna siam chu an pawmpui tih an sawi.

CPI-ML hian Thawhlehni khan Panchayat inthlan ṭhat neih chu dan kalh leh ram danpui kalh a nih thu an sawi a, CPI-M pawhin hei hi an pawm­pui tih sawiin CPI-M state secretary Bijan Dhar chuan Nilaini khan CEO state secre­tariat-ah a hmu nghe nghe.

CPI-ML hian Thawhlehni khan state Panchayat inthlan ṭhatah chuan an tel dawn lo tih sawiin ram danpui kalh anih avangin an tel duh lo tih an sawi.

CPI(ML) state secretary Parth Karmakar chuan Panchayat- Act 1993 hnuaiah chuan thihna emaw party aṭanga ban an ni emaw, suspend emaw an nih chauh loh chuan panchayay by-election chu neih theih a ni lo tih a sawi tawh a ni.

Hetihlai hian Gram Pan­chayat 3207, Panchayat Samiti 161 leh Jilla Parishad 18-te chu a awl a, engvanga awl nge tih zawtin,a chhan chu state chhungah dan leh thupek palzutna a tam vang tih a sawi tawh bawk.

IPFT leh INPT-te pawhin Tripura panchayat by-poll-ah hian an chuh dawn loh thu an lo sawi ve tawh bawk a ni.