Sikkim: NIT zirlai ten chawngheiin nawrh huaihawt

Sikkim-a National Institute of Tech­no­logy (NIT) zirlai 12-te chuan campus ngelnghet phutin Nilaini aṭang khan tiam chin awm loin nawrh an huaihawt.

Zirlaite hian tuna an campus hman lai, Rabongla-a academic bloc-ah nawrh hi an huaihawt a ni.

An thil phutah hian chhanna duh­awm lam an hmu lo a nih chuan nasa zawkin an nawrh hi an chhunzawm dawn tih an sawi a, campus ngelnghet neih chu an duh ber tih sawiin official lam aṭanga chhanna duhawm lam an hriat duh thu an sawi.

July 25 aṭang khan buaina siam lo zawngin nawrh an huaihawt ṭan tawh a, State HRD minister leh offical dangte pawhin an thil phut chungchang hi Union HRD ministry hnenah an thlen tih sawiin, sorkar laipui aṭangin chhanna engmah an la dawn loh thu an sawi a, state sorkar official te pawhin an nawrh huaihawt chu an la tlawh lo niin an sawi bawk.