Meghalaya-ah hri kai enkawl dam pung zel

Meghalaya-ah Nilaini khan hri kai enkawl zinga pakhat chu a dam tawh avangin damdawiin aṭangin chhuah tir a ni tih health minister Al Hek chuan a sawi. 

Meghalaya-a hri kai hmuh tawh 43 zinga pakhatin a thihpui a, enkawl dam hi mi 29 an awm tawh thung. Hri kai mek hi mi 13-ah an tlahniam tawh a ni. 

Health minister chuan Nilaini thleng khan sample 14,490 test a ni tawh tih sawiin, heng zinga sample 360 result chu la nghah mek a ni, a ti. Nilaini thleng khan hmun dang aṭang tangkhang haw chu mi 16,100 an tling tawh tih a sawi bawk.

Deputy chief minister Prestone Tysong chuan June 22 aṭangin state chhunga restaurant, beauty parlour leh salon te hawn phalsak an ni tawh dawn tih a sawi a, mahse national highway dunga restaurant-te erawh khar chhunzawm an la ni ang, a ti.