‘Best Electoral Practices Award, 2021’ dawng turin Assam electoral office thlang

Election Commission of India (ECI) chuan ‘Best Electoral Practices Award, 2021’ dawng tur list a tichhuak a, chawimawina dawng tura thlan zingah Assam electoral office a tel. Award hi National Voters' Day, January 25-ah sem a ni ang.

Best Performing State for Election Management caterogy hnuaiah Assam electoral office chu 'Best Electoral Practices Award, 2021' dawng tura thlan a ni.

Award semna inkhawm hi National Voters' Day, January 25-ah Ashoka Hotel, New Delhi-ah neih a ni ang.

Kum 2021-a Assam assembly inthlana police nodal officer, IGP Deepak Kumar Kedia chu Special Award Category hnuaiah ‘Best Electoral Practices Award 2021’ for ‘Security Management’ dawng tura thlan a ni bawk. Ani bakah Goalpara deputy commissioner leh district electoral officer, Varnali Deka chu ‘Best Electoral Practices Award, 2021’ for ‘Innovation Measures-ah national award hlan a ni dawn bawk a ni.

Cachar deputy commissioner leh Silchar district electoral officer, Keerthi Jalli chu ‘Best Electoral Practices Award, 2021’ for ‘Voter Awareness’hnuaiah chawimawina pek a ni dawn bawk a, All India Radio (Regional News Unit) Guwahati chu Electronic Media’ for ‘Voter Awareness’hnuaiah national media award hlan a ni bawk ang.