Tripura Panchayat bypoll: Candidate 557 in nomination file

Tripura Panchayat inthlan tur chu mi tam tak leh political party ṭhenkhatin nasa takin sawisel mah se candidate 557 in nomination an file tawh.

Nomination file zingah hian BJP candidate 485 an awm a, CPI(M) candidate 44 an awm bawk. Congress in seat 28-ah file ve bawkin BJP thawhpui IPFT pawhin Gram panchayat seat pali-ah an file ve bawk.

Naktuk thleng hian State Election Commission chuan nomination file a remti a ni.

Tripura panchayat-ah hian seat ruak 3207 a awm a, Zilla Parishad 1, Gram Panchayat 495 leh Panchayat Samities 161-te an ruak a ni.

September 30 hian inthlanna hi neih a ni ang.

Tripura Panchayat inthlan ṭhat neih turah hian CPI(ML) leh CPI(M) chuan dan kalh a nih bakah ram danpui kalh a nih thu an lo sawi tawh a, CPI(ML) phei chuan candidate pawh an neih dawn loh thu an lo sawi tawh nghe nghe a ni.