Nagaland: Kohima chhawm-dawl nan Rs nuai 40 pe
Nagaland-a Kohima District Disaster Management Authority (DDMA) chuan tunhnaia chhiatna hrang hrang thleng vanga harsatna tawk te chhawmdawlna hmasa atan cheng nuai 40 an pe.
Kohima DC Rajesh Soundararajan chuan Kohima district-ah hian August 29 thleng khan chhungkaw 1300 vel chuan ruahsur nasa vangin chhiatna an tawk tih a sawi a, heng chhungkaw harsatna tawk te tan hian thla khat atan SDRF dan angin cheng 5000 ṭheuh an pek phawt thu a sawi.
DC chuan SDRF dan angin ṭanpuina hi pek hmasak phawt ni mah se chhawmdawlna tak tak chu sorkar laipui aṭanga lo kal tur a nih thu a sawi a, district thuneitute pawhin chhiatna thlenna hmun te hi an enfiah tih a sawi.
State khawpui Kohima chhung bikah hian in 35 vel chu leimin leh ruahsur vang hian a chhia a, chhungkaw 50 vel chu an in chhuahsan tir an ni bawk.
Kohima bika chhiat tawk te hian an in sakṭhat nan hian cheng nuai 25-30 inkar vel an hman tlangpui thu an sawi a, DDMA leh kohhran hnen aṭanga ṭanpuina an dawn te avanga an lawm thu an sawi a ni.