RSS hotu-in Tripura a tlawh

Rashtriya Swayamsevak Sangh (RSS) hotu Mohan Bhagwat chu ni li cham turin Thawhṭanni khan Tripura-ah a zin.

Mohan Bhagwat hi Agartala-a RSS headquarters, Seva Dham-ah a thleng a, Z-plus security pek a nih vangin a cham chhung atan Seva Dham venhimna lam pawh tihkhauh a ni bawk.

A cham chhung hian state chhunga RSS hruaitu leh activist-te kawmin, an pawl hmalak dante a sawipui ang. Chief minister Biplab Kumar Deb pawh meeting a neihpui dawn bawk a ni.