BSF Guwahati-in smuggler Indian 141 leh Bangladeshi 117 man

Border Security Force,Guwahati chuan kum 2021 chhung khan Indian smuggler 141 leh Bangladeshi smuggler 117 an man a, ramri kaltlanga tawlhruk tum bawng 8,125 an man tel bawk.

BSF Inspector General (Frontier HQ) Sanjay Singh Gehlot chuan BSF-te hian India leh Bangladesh inrinaah hian pawikhawihna leh dan loa thiltihna thleng ṭhin veng turin modern technology-based surveillance system an dah tih a sawi. "January 26,2021 leh January 24,2022 inkar khan smuggler hi India mi 141 leh Bangladesh mi 117 kan man a ni," tiin BSF leh Border Guard Bangladesh (BGB)-te hmalak dunna avangin ramri kaltlanga dan loa India ram lut ṭhin pawh an tlahniam tawh hle tih a sawi.

Gehlot chuan hemi hun chhung vek hian Guwahati Frontier chuan ramriah hian Rs vaibelchhe 11 hu thil an man tih sawiin, heng zingah hian bawng 8,125 bakah ruihho leh pawisa lem tam tham tak a tel tih a sawi bawk.

Guwahati Frontier division hian Indo-Bangla border km 509-a thui an veng a, hengte hi West Bengal-a Coochbehar leh, Assam-a Dhubri leh South Salmara-Mankachar district-a mite niin, battalion 11 leh water wing pakhat an awm.