Meghalaya-ah kum 1 chhungin voter 54,712-in an pung

Meghalaya chief electoral officer (CEO) FR Kharkongor chuan special summary revision neih hnuah kum khat chhungin Meghalaya state-ah voter 54,712 in an pung tih a sawi.

Kharkongor chuan Meghalaya-ah voter awm zat chu 20,81,570 a ni tawh a, an zingah mipa 10,28,395 leh hmeichhia 10,53,173 an awm thu a sawi bawk. Electoral roll-ah hian nihna thlakthleng, transgender ziah luh pawh pahnih an awm bawk.

State chhunga vote nei thar, mi 54,712 zingah hian kum 18-19 inkar 35,980 an awm a, hei hi vote nei thar zinga 65% an tling pha. Service elector hi 3,822 an awm bawk.