Khasi ṭawng 8th Schedule-a telh turin resolution siam dawn

Meghalaya sorkar chuan thlasik Assembly session-ah hian Khasi ṭawng chu 8th Schedule-a telh a nih theihna turin 'offical resolution' siam an tum.

Assembly Speaker, Dr. Donkupar Roy chuan Khasi Authors Society (KAS) buatsaiha Thawh­lehnia literacy day cele­bration cum-seminar an buatsaiha thu a sawinaah hemi chungchang hi a sawichhuak a ni.

Dr. Roy chuan Chief Minister Conrad K. Sangma pawhin he rawtna hi a pawmpui tawh thu a sawi bawk. Roy chuan Chief Minister chuan Garo ṭawng pawh 8th Schedule-a telh a nih theih dan kawng dap ṭul a tih thu a sawi niin a sawi bawk.

Khasi ṭawng 8th Sche­dule-a telh a nihna tur hian kum 39 chhung hma lak a ni tawh a, Khasi Author Society bakah hian NGO hrang hrangin politican te hnenah hemi chungchang hi an lo thlen tawh ṭhin a ni.