AP: CM in state chhunga Sainik School hmasa ber hawng

Arunachal Pradesh Chief Minister Pema Khandu chuan Thawhṭanni khan state chhunga Sainik School hmasa ber chu Pasighat-a Niglok-ah a hawng.

He hunah hian DCM Chowna Mein, State BJP President Tapir Gao, Education Minister Honchun Ngandam, Health Minister Alo Libang, Advisor to CM Lombo Tayeng, Lok Sabha MP (East) Ninong Ering bakah Major General Bhaskar Kalita leh Sainik School Princi­pal Lt Col Ashok-te pawh an tel a ni.

School hi kumin aṭanga hawn ṭan niin zirlai 60 an awm a, Arunachal bakah ramchhung hmun hrang hrang aṭangin an kalkhawm a ni.

Chief Minister chuan Prime Minister Narendra Modi leh Defence Minister Nirmala Sitharaman chu state chhunga Sainik school an dinsak avangin lawmthu a hrilh a, state chhung hmundangah pawh pahnih dang hawn belh leh an la tum tih a sawi.

Pema Khandu chuan Arunachal mipuite chu Sainik school phu tak an nih thu sawiin Sainik school chuan Armed force leh kawng dangah pawh eizawnna kawng a kawhhmuh thei dawn a ni, a ti.