Meghalaya-ah hri kai mek 26 awm
Meghalaya-ah hri kai hmuh thar an awm belh zel a, Inrinni thleng khan hri kai mek hi mi 26 an tling tawh a ni. Director of health services (MI) Dr Aman War chuan hri kai hmuh thar mi pariat an awm thu leh, an zinga panga chu Ri Bhoi district-a mi niin, East Khasi Hills district-ah mi pathum an awm bawk tih a sawi. Hri kai hmuh thar zingah hian Ri-Bhoi district-a Border Security Force (BSF) sipai pathum an tel.
Hetih lai hian state ṭhenawm, Assam-ah Covid-19 kai an pun chak avangin hri darh tur venna atan Guwahati ramri, Ri-Bhoi district-a Byranihat leh Khanapar inkarah chuan Zirtawpni zanlai aṭang khan zanin zanlai thlengin zan lamah curfew puan a ni.