Manipur-ah Covid-19 puala Web portal siam tlangzarh

Manipur-a Covd-19 kaihhnawih chanchin hrang hrang inhrilh hriatna tur leh, volunteer-te hnathawk dan hmuh theihna tur web portal, (manipurcovidstories.org) chu Inrinni khan Chief Miniser Secretariat, Imphal-ah tlangzarh a ni. 

Web portal-ah hian Covid-19 kai, dam tawhten an chanchin an sawi hrang hrangte, quarnatine centre-a thawk volunteer-te chanchin te bakah mimal, NGO, civil society organisation leh medical professional-te hnathawh dan hrang hrangte dah a ni. Thlalak leh video-te dan tel a ni bawk a, he website hi  Fluorescence Communications design a ni a, heath and family welfare department-in a enkawl zui ang. 

Chief minister N Biren Singh Manipur mipuite hnenah he website kaltlang hian hri dona hripui leng mek dona kawnga chanchin ngaihnawm leh  midangte chona ni thei tur hrang hrangte chu pho chhuak turin a ngen.

Manipur-ah hri kai hmuh thar an pung zel a, hri kai hmuh tawh hi mi 1,325 an tling tawh a, an zinga 667 chu enkawl dam an ni tawh thung. 

State khawpui, Imphal khawthlang lam, Jiribam district-ah chuan district headquarters-a police 28-ten Covid-19 an kai tih hmuh chhuah a nih avangin, Inrinnni zan aṭang khan district pumah complete lockdown puan nghal a ni. Hri kai hmuh chhuahte hi Covid-19 Care Centre-ah dah nghal an ni a, state health authority chuan heng police-te nena inkhawihfuhna nei mi 180-te a chhui zui nghal bawk.  Jiribam district DC chuan district chhunga hmun 17 chu containment zone-ah a puang tawh bawk a ni.