Hmarchhak state-ten SC thupek chhanglet lo

Supreme Court in thupek a tihchhuah, MP leh MLA criminal case nei, an case tihkhawtlai awm te hriattir tura a tihna leh hemi atana special court buatsaih tura an tih chhanglet lo state leh union territory 25 zingah hmarchhak state zawng zawng an tel vek.

Supreme Court-in thupek a tihchhuah chhanglet lo hi state leh UT 25 an awm a, nikum November leh kumin August inkara chhanglet tura a tih chu heng state leh UT 25-te hian an chhanglet lo a ni.

SC thupek chhanglet lo te hi - Arunachal Pradesh, Assam, Chhattisgarh, Goa, Gujarat, Haryana, Hima­chal Pradesh, Jammu and Kashmir, Jharkhand, Manipur, Meghalaya, Mizoram, Nagaland, Odisha, Punjab, Rajasthan, Sikkim, Tripura, Uttarakhand, An­daman and Nicobar Islands, Chandigarh, Dadra and Nagar Haveli, Daman and Diu, Lakshadweep leh Puducherry-te an ni.