Tripura State coordination committee-ten BJP-IPFT inhriatthiam lohna enfiah dawn

Hun eng emaw chen Pan­chayat inthlan ṭhat chung­chang vela buaina neuh neuh an neih hnuah Tripura-a sorkarna siam mek BJP leh IPFT-te chuan Inrinni zanah khan meeting an neih thu sawiin party pahnih inkara inhriatthiam lohna awm te chu an sawiho.

Meeting zawha thuchhuah an siamah party pahnih te chuan state hmasawnna tura an thawh ho zel dawn thu sawiin an inkara buaina awm ṭhin te chu an chinfel dawn thu an sawi bawk.

Meeting hi Deputy Chief Minister Jishnu Devvarma inah neih a ni.

Meeting an neihnaah hian state coordination committee mi pasarih awmna pawh 14-ah an tihpun thu sawiin anni hian sub-division level-ah party pahnih inkara buaina awm ṭhin te chu an enfiah dawn tih an sawi.

Deputy Chief Minister chuan CPI(M)-te chu BJP-IPFT thawhhona kawnga an inkara inlungrualna thlentuah a puh a ni.

Dy CM chuan party pahnih te chuan thawhhona ṭha an neih a ṭul thu sawiin September 19-ah State coordination co­mmittee meeting an neih leh dawn thu te, thla khat emaw thla hnih emaw danah emaw meeting an neih ziah tawh dawn thu te a sawi.