NSCN (K) panga Arunachal-ah man

Arunachal Pradesh Security force-te chuan National Socialist Council of Nagaland- Khapalang (NSCN-K) hel panga chu Longding district-ah Inrinni khan an man.

Defence thupuangtu Col Chiranjit Konwer chuan Pathiannia thuchhuah a siamah Inrinni khan intelligence hnen aṭanga an thudawn bawhzuiin Assam Rifles Longding Battalion-te chuan hel panga te hi an man tih a sawi a, Inrinni vek khan Police kutah an hlan thu a sawi bawk.

An mi man te kut aṭang hian pawisa cheng nuai li leh document pawimawh bakah, thlalak leh hel pawl contact number an man tel tih an sawi.

Arunachal Pradesh security force-te hian kar hmasa Ningani aṭang khan hel pariat an man tawh a, heng an mi man te kut aṭang hian pawisa cheng nuai 16 an man tawh a ni.