2014 Assam inthahna case-ah NIA in mi pahnih thi turin hrem

National Investigation Agency (NIA) special court chuan Inrinni khan hel pawl National Democratic Front of Bodoland (NDFB)-ten 2014-a mi eng emaw zat an thahna thubuaia man mi pahnih chu thi turin an chungthu a rel a, midang pahnih chu damchhung tang tura hrem an ni bawk.

NIA thuchhuah chuan NDFB mi Bishnu Narzary, N Berema tia hming inphuah leh Ajoy Basumutary, B Buhumbua tia hming invuah-te chu thi tura an chungthu rel a nih thu a tarlang a, Sanju Bordoloi leh Nitul Daimary-te chu damchhunga tanin-a tang tura tih an ni tih a tarlang bawk.

December 23, 2014 khan NDFB hel pawl te chuan tum bik pawh nei loin Assam-a Sonitpur district-a Hatijuli Shan­tipur thingtlang khuaah silai an hmetpuak vak a, mi parukin nunna an chan phah a, midang pahnihin hliam na tak an tuar bawk a nin.

He case hi 2014 vek December 30 khan Assam sorkar chuan NIA kutah a hlan nghal a ni.