Meghalaya CM-in Covid-19 protocol bawhchhiaa puhna a chhang

Meghalaya chief minister Conrad K Sangma chuan Republic Day lawmnaa a tel avanga Covid-19 protocol bawhchhiaa puhna chu chhangin, kaihhruaina dan a bawhchhe lo a, a mawhphurhna pawh a hria tih a sawi.

CM Sangma chuan an state-in thil dang buaipui ngai tak tak an neih laia mipuiten thil te tham tak an buaipui chûk zel chu pawi a tih thu a sawi tel nghal bawk.

"CM ka nihna angin mawhphurhna lian tak leh thawh tur tam tak ka nei. Chiang taka ka sawi duh chu kaihhruaina dante ṭha takin ka zawm a, ka fimkhur em em reng a ni," a ti.

January 21 khan Covid positive tih a inhriat hmain a nawmsam loh avangin state day lawmnaah pawh a tel lo tih a sawi bawk. Mahse hemi ni vek hian a in test hnuah Covid-19 positive a ni tih hriatchhuah a ni. Governor Satya Pal Malik pawhin Thawhlehni khan Covid hri a kai tih a sawi a,a ni hi chu Republic Day-ah a tel lo thung.