Assam-Meghalaya boder : CM pahnihten meeting nei leh

Assam chief minister Himanta Biswa Sarma leh Meghalaya chief minister Conrad Sangma-te chuan Inrinni liam ta khan ramri buaina chungchangah closed-door meeting an nei leh.

Meeting hi Guwahati-a hotel-a neih a ni a, meeting zawhah pawh an thu ngaihtuah dunte chu media lamah puanzar a ni lo.

Assam water resources minister Pujush Hazarika chuan chief minister pahnihte hian union home minister Amit Shah an hmu leh dawn tih a sawi.

Ramri buaina chinfel dan tur ngaihtuah tura state pahnih sorkarten an din, regional committee rawtna thehluh chu Assam leh Meghalaya cabinet-ten an pawm ve ve tawh a, CM pahnihte pawhin January 20 khan New Delhi-ah Amit Shah hmuin, regional committee report hi an lo sawipui tawh a ni.

Asom Sattra Mahasabha-in court-a kalah vau
Assam.leh Meghalaya sorkarten ramri buaina a neih mek zinga hmun paruka inremna an siam tura 'give and take' policy an hman tur chu Assam-a Asom Sattra Mahasabha chuan duh loin, court-a kalah a vau.

Give and take policy hmang hian state pahnihte hian ramri buaina an neihna hmunte chu insem an remti a ni. Buaina an neih mekna, sq km 36.79 zinga sq km 18.51 chu Assam lamin a chang dawn a, Meghalaya-in sq km 18.28 a chang thung ang.

Hetih lai hian Meghalaya lamin a chan tur zingah hian Assam state a awm, satra (Vaishnavite monastery) pahnih leh namghar (prayer house) 20 a tel niin ASM hian a sawi. Mahse hei hi an remti dawn lo tih ASM general secreatart Kusum Kumar Mahanta chuan a sawi a, hemi chungchang hi Gauhati High Court ah thlen an tum tih a sawi. Hei bakah prime minister Narendra Modi leh union home minister Amit Shah hnenah pawj ziakin an thlen dawn tih a sawi bawk.