Manipur Governor-in sakhaw hruaitute a kawm

Manipui governor La Ganesan chuan Inrinni khan Raj Bhavan-ah Kristian leh Muslim sakhaw hruaitute a kawm a, Covid-19 vaccine sem chhuah hna kalpui mek chungchang a sawipui.

Meeting-ah hian kohhran hruaitu 17 leh Imam pariat bakah, health department official-te an tel.

Governor Ganesan chuan Covid-19 hri leng mek leh he hri laka inven dan te, nunna chhanhim a nih theih dante sawiin, hma lakna ṭha ber chu vaccine lak a ni, a ti. Sakhaw hruaitute chu vaccine semchhuah mekah, a la thei chinte'n an lak vek theihna tura thawhpui turin a sawm a, sorkarin hri leng dona kawnga theihtawp a chhuah dante a hrilh bawk.

Krisitian leh Muslim sakhaw hruaitute pawh hian sorkar chu an theihtawpa thawhpui zel an tum tih an sawi ve bawk a ni.