Sikkim Assembly-in demands for grant Rs vbc 304.55 a pawm

Sikkim assembly chuan Zirtawpni liam ta khan financial year 2021-2022 atana supplementary demands for grant cheng vaibelchhe 305.55 a pawm.

Finance changtu, chief minister Prem Singh Tamang chuan House-ah supplementary demands for grant hi a pharh a ni. Speaker LB Das-a'n sawiho tura a tih hnuah, member te chuan sawihoin an pawm tlang a, an pass zui nghal a ni.

Assembly chuan Sikkim Appropriation Bill, 2022 pawh a pawm nghal bawk. He bill pass a nih vang hian state sorkar chuan sum hmanna tura a indaih lohna phuhru turin supplementary demands for grant, Rs vbc 304.55 chu consolidated fund aṭangin a lachhuak thei ang.

Home department changtu ni bawk, CM hian Sikkim Police Accountability Commission thuam chakna tur, Sikkim Police (Amendment) Bill, 2022 pawh a pharh bawk a ni. He bill leh land revenue and disaster management minister Kunga Nima Lepcha pharh, Sikkim (Re-organisationn of Districts) (Amendment) Bill, 2022 chu Assembly rorel inkhawm neih leh huna ngaihtuah tura dah a ni.