Manipur: MU VC an suspend

Manipur University Vice Chancellor Prof A P Pandey chu amah an puhna chhui zawh a nih hma chu suspend a ni hrih dawn tih Thawhlehni khan official ten an sawi.

HRD Ministry chuan Pandey hi President in a suspend hrih thu sawiin, university campus boruak enin suspend hrih mai a ṭha nia an hriat thu an sawi a, an suspend hun chhung tur erawh an sawi theih loh thu an sawi bawk.

HRD Ministry chuan dik leh tluang taka Pandey puhna te chhuichian a nih theih nan VC chu suspend hrih a nih thu an sawi a, chhuina an zawh hnuah hian hmalak zel dan tur pawh a chiang dawn a ni, an ti.

Suspend-na thupek hi Higher Education department of HRD Ministry deputy secretary chuan a sign a, Manipur sorkar aṭangin Pandey duh lohna chuan state chhunga dan leh thupek kenkawhna kawngah harsatna nasa tak a siam tih an hriat thu a sawi.