Meghalaya: DD Lapang-ah politics a la chawlhsan dawn loh thu sawi

Meghalaya chief minister hlui D D Lapang chuan Congress chhuahsan mah se politics a la chawlhsan dawn loh thu a sawi.

Lapang hian kar hmasa khan Delhi-ah AICC President Rahul Gandhi hnenah a banna hi a thehlut a, Rahul Gandhi chu Congress a chhuahsan chhanah puhin kum upa lam zawk te mawhphurhna pek an ni tawh lo chu a lungawi loh thu a lo sawi tawh a ni.

1972 aṭanga MLA term nga lai thlantlin ni tawh Lapang chuan Congress a chhuahsan chhan leh inthlan hnuhnung bera a din loh chhan chu Congress National President a nih thu a sawi a, AICC hruaituten kum upa zawkte chunga an rilru puthmang a hriat avangin inthlan hnuhnung berah pawh a ding duh lo tih a sawi.

Kum upa zawk ten an party tana an thawh an phal lo a nih chuan AICC hian politician an retire thei lo tih hi an theihnghilh tihna a ni, a ti.

Nikum December thla khan Lapang hi state Congress presi­dent a nihna aṭangin Celestine Lyngdoh-an a thlak a ni.