Nagaland MLA zawng zawngin Naga political issue chinfel duh

Nagaland Legislative Assembly member zawng zawng chuan Thawh­lehni khan Joint Legislators’ Forum dinṭhat-a Naga political issue a rang thei ang bera chinfel dan tur an ngaihtuah dawn thu an sawi.

Nagaland Legislative Assembly 13-na hian Thawhlehni khan consultative meeting an nei a, Speaker Vikho-o Yhoshu chuan meeting hi kaihruaiin Chief Minister Neiphiu Rio, Deputy Chief Minister Y. Patton, Opposition Leader T.R. Zeliang leh Deputy Speaker Zhaleo Rio-te pawhih hemi chungchang hi inlungrual takin an pawm tlang a ni.

CMO in thuchhuah an siamah chuan consultative meeting chuan Naga poli­tical issue chungchang ngaihtuah tur Joint Legislators’ Forum an din ṭhat thu leh hmawrbawkna mumal tak a awm theih nana hma an lak dawn thu an sawi.

Joint Legislators’ Forum chairman-ah hian Assembly speaker chu chairman a ni dawn bawk nia tarlan a ni.