Assam-in Kamrup district-ah keite chhiarpui nei

Assam-a North Kamrup Forest Division chuan nimin aṭang khan Amingaon bialah keite chhiarpui a nei ṭan.

Keite chhiarpui neihna tur hian Amingaon chhehvel leh Sila Reserve Forest, Changsari-ah camera 50 dah a ni. Camera trapping hi February 7 aṭangin neih ṭan a ni ang.

Assam-ah hian keite awm zat tak hi hriatchian a ni lo a, tuna chhiarpui an neih aṭang hian an hriat theih ngei beisei a ni.

Divisonal Forest Officer Sunnydeo Choudhary chuan camera trapping hi kar 24 chhung neih a ni dawn a, ni sarih danah camera tina data-te chu lachhuakin enfiah ṭhin a ni ang, a ti.

Camera trapping kalpui hmain kar khat chhung chu camera trap enfiah dan te, map zirchiannate chu senior forest official leh volunteer-ten an nei dawn a, field survey leh target location thlanna pawh an nei nghal ang.

Choudhary chuan he chhiarpui a hlawhtling a nih chuan Guwahati hmun dangah pawh kalpui a ni dawn tih a sawi bawk.

Status of Leopards, Co-predators and Megaherbivores in India report, kum 2018-a tihchhuahah khan hmarchhak bialah keite 145 chiah an awm niin a tarlang.