Khasi ṭawng 8th Schedule-a telh ngiatin kawngzawh dawn

India Constitution 8th Schedule-a Khasi ṭawng telh a nih theihna atana sorkar laipui nawrna turin Khasi Authors’ Society (KAS) chuan naktuk hian kawngzawh an tum a, sorkar nawrna atana an hmalakna a nih thu an sawi.

KAS hian an ruahman dan chuan Fire Brigade ground aṭanga Malki ground thleng kawngzawhna hi neih an tum a ni.

KAS general secretary Ronald Peel Kharshiing chuan kawng an zawh tur chu Khasi ṭawng 8th Schedule-a telh a nih ngei theihna atana an hmalakna a nih thu a sawi a, kawng hrang hrang aṭanga thlir pawhin Khasi ṭawng chuan Constitution 8th Schedule-a telh ngei a phu tih a sawi.

KAS GS chuan Khasi ṭawng chu Calcutta Univer­sity leh Gauhati University-ah pawh subject anga zir theih a nih thu sawiin India Independence hnu aṭang kha chuan subject anga a awm reng tawh thu a sawi a, North Eastern Hill University-ah phei chuan Ph.D thleng a zir theih tih a sawi a ni.