Nagaland assembly in GST(Amendment) Bill 2018 pharh

Nagaland Legislative Assembly (NLA) session hnihna chu Thawhlehni khan neih ṭan leh niin zawhna zawh hun hawn a nih hnuah Chief Minis­ter Neiphiu Rio chuan Nagaland Goods and Services Tax (Amend­ment) Bill 2018 chu pharh­in nimin khan hemi chung­chang hi an sawiho a ni.

NLA Speaker Vikho-o Yhoshu chuan Nagaland Goods & Services Tax (Amendment) Bill 2018 chuan Nagaland GST chu huam zau zawk leh sumdawnna ti awlsam tu zawk a nih dawn thu a sawi ve bawk.

GST hi ram pumah July 1, 2017 aṭang khan hman ṭan a ni a, GST hnuaiah hian Central Goods & Services Tax (CGST) leh State Goods and Service Tax (SGST) a awm hrang leh a ni.

CGST (Amendment) Bill 2018 hi chu Lok Sabha-ah pawm a nih tawh laiin Goods & Service Tax (Amendment) Bill 2018 erawh hi chu la ngaihtuah mek chauh a ni thung.