HM firfiak mante chhuichiang turin NIA in Assam thleng

National Investigation Agency (NIA) team-te chuan Nilaini khan Assam thlengin, firfiak pawl Hizbul Mujahideen mi ni ngeia hriat state police ten an man mi pasarih te chu an chhuichiang dawn.

Assam police officer senior chuan NIA team-te hian Assam an thlen tawh thu leh an mi man te chu zawhna an zawhfiah nghal thu a sawi a, Hizbul Mujahideen nena inzawmna nei Assam-a an man vawikhatna a nih thu sawiin, Jammu & Kashmir firfiak pawl te hian Assam-ah bu an khuar tawh reng em tih hriatchhuah an tum tih a sawi.

Kar hmasa khan Kanpur mi Uttar Pradesh-a an man chuan Hizbul Mujahideen mi a nih thu tarlan a nih hnuah Assam police-te hian Hizbul firfiak pawl mi ni ngeia hriat state chhung hmun hrang hrangah mi pasarih an man a ni.