Zirlai leh political party-ten MU ‘militarisation’ sawisel

Manipur University complex ‘militarisation’ chu zirlaite leh political party te chuan nasa takin an sawisel.

Committee of political parties - Congress, Left leh party dang te chuan Pathianni khan Univer­sity complex chhunga Ningani zanreia security personnel-ten zirlaite an bei chu an dem thu an sawi a ni.

University buaina chhuah vang hian Mani­pur sorkar chuan internet a block nghal a ni.

University chhunga security force lut ten zirlaite kut an thlak hi ramchhung hmun hrang hranga zirlaite chuan an dem hle tih an sawi nghe nghe a, hostela awm te chu chhuah an khap bawk niin report chuan a tarlang.

Kar hmasaa University buaina chhuakah hian zirlai 90 vel leh professor paruk police ten an man a, Manipur University thuneitute chuan heng professor paruk te hi an suspend zui nia tarlan a ni bawk.

University complex hi paramilitary force-te chuan an veng tlat a, hostela awmte nu leh pa te hi hostel an luh phal a ni lo a ni.

Congress hruaitu RK Anand chuan sorkar chuan zirlaite a ti ralkhel hle niin a sawi a, Human Resource Ministry thu­pek vangin university zirlaiten buaina nasa tak an tawk niin a sawi.

CPI hruaitu Dr M Nara chuan sorkar chuan Manipur Univeristy chu Pakistan ramri ang maia a en thu sawiin University beih ani chu ni ṭha lo tak nia hriat a nih tawh dawn thu sawiin democracy palzutna a nih thu a sawi bawk.