Kawngpui siam tur tihkhawtlai Union Minister in pawi a ti

Union Minister Nitin Gad­kari chuan Thawhṭanni khan hmarchhaka kawngpui siam turah ram leh ramhnuai clearance neih theih loh vanga tihkhawtlai chu a ni chu pawi a tih chu a sawi.

Minister for Road Transport and Highways Nitin Gadkhari chuan ram tantlang phalna chu thil pawimawh tak a nih thu sawiin hmarchhaka National Highway project kalpui an tum ah pawh ram tantlang phalna an nei lo chu an buaina lian tak a nih thu a sawi bawk.

Ram tanthlang phalna leh ramhnuai clearance pek an nih phawt chuan project chu rang taka an pawm dawn thu sawiin a rang thei ang berin hna an ṭan thei nghal dawn tih a sawi a ni.

Minister chuan state sorkar te pawh hemi chungchang hi ngaihtuah chiang tura ngenin ngun taka hmalak tawh dan enfiah fo turin a chah. State minister-te chu National Highways and Infrastructure Development Corporation Ltd (NHIDCL)-te tana awlsam zawka hmalak a nih theih nan thlatin hmalak dan enfiah ṭhin tura a duh thu a sawi.

PWD official-te chuan Aru­nachal Pradesh-ah chuan project 31 awm zingah project pakua chu uluk zawka sawiho leh ngai a awm tih an sawi a ni.

NHIDCL hian Assam-a district pakuaah kawngpui siam project an kalpuina turah project 15-ah ram tantlang phalna an nei thei lo tih an sawi a, district pasarih-ah ramhnuai clearance an neih theih loh thu an sawi bawk.

Nagaland PWD official-te chuan ram tantlang phalna leh ramhnuai clearance an neih velah project 17 an kalpui nghal theih dawn thu an sawi bawk a ni.