Tripura: Bangladesh aṭanga sangha lakluh titawp
Tripura bazar-a buaina chhuah vangin ni 20 chhung Bangaladesh aṭanga sangha lakluh tihtawp a ni tawh tih official-te chuan an sawi
Custom official-te chuan September 5-a Tripura bazar-a inhnial buaina chhuah vanga sangha kg 10,000, cheng nuai 22 man hu chu a chhiat avangin Bangladesh sumdawngte chuan sangha an thawn lut duh tawh hrih lo tih an sawi a, inhnial buaina a chhuah avang hian sangha te hi a hun takah hawn an nih loh avangin an lo chhe hman niin an sawi a ni.
Official-te chuan Bangladesh aṭanga sangha thawnlut ṭhin te chuan ramriah security dah an phut tih a sawi a, buaina chingfel tur hian India leh Bangladesh-a sangha hmanga sumdawng ṭhinte chuan vawiin hian meeting an neih dawn.
Bangladesh media te chuan India ramri-ah hian sangha hmanga sumdawng ṭhinte hnenah donation khawn ṭhin a nih thu an sawi a, hemi vang hian sumdawng mite inkarah inhnial buaina a chhuak niin an sawi.
Tripura-Bangladesh border-ah hian a tlangpuiin sangha kg. 14,000 - 15,000 vel chu nitinin lakluh a ni ṭhin a, ni 20 chhung sangha lakluh tihtawp a nih hrih avang hian sangha load leh unload-a inhlawh ṭhin mi 200 vel chuan hnathawh tur an nei lo nia sawi a ni.