Nagaland CM-in 2-lane diversion road siam rawt

Nagaland Chief Mi­nister Neiphiu Rio chuan Dimapur-ah 2-lane di­version road siam a rawt.

Neiphiu Rio chuan 2-lane diversion road siam a rawtna hi Amar Flour Mill point, Nagaland Police to Burma Camp on NH 29 check gate bul aṭangin a ni a, he kawngpui hian Dimpaur a tantlang a ni.

Rio chuan National Highways and SARDP-NE projects review mee­ting Thawhṭanni-a Shillong-a State Conven­tion Centre-a neihah rawt­na hi thlenin, kawng­pui awmsa NH-129 leh NH-29 chuan Dimapur khawpui an tantlang thu a sawi a, Dimapur chu Nagaland-a sumdawnna hmun lian ber a nih thu leh, Assam-a Karbi Anglong district leh Golaghat kalpawhna ber a nih thu a sawi.

Hemi anih avang hian diversion siam chu Dimapur traffic tawt lutuk tihziaawmna atana thil pawimawh tak a nih thu a sawi a ni.

Chief Minister chuan state chhunga kawngpui paruk (i) Showuba-Guzunyu-Pughoboto-Zunheboto-Aghunato-Noklak-Pangsha (200 km), (ii) Trans-Eastern Highway, Mon-Longwa-Pangsha-Kiphire-Avangkhu (280 km), (iii) 2.7-km NH-29 aṭanga NH-29 (Dimapur bye-pass), (iv) 167-km Gandhi Ashram-Chuchuyimlang (NH-2) aṭanga Pangsha (ITC), (v) Maibong-Te­ning, Nagaland aṭanga Tamenglong via Tamei, Manipur (75 km) leh (vi) Ramani Ali Simulguri-Bihubor, Assam aṭanga Mon, Nagaland (71 km)-te chu National Highway-a puan a rawt bawk.