Tripura indigenous party-ten kawng zawh

Tripura-a Indigenous Natio­nalist Party of Tripura (INPT) kaihhruaina hnuaiah Nilaini khan kawng zawh a ni a, mipuiin an thlawp ṭha hle.

Tripura Tribal Areas Auto­nomous District Council (TTADC) headquarter Khu­mulung-ah kawngzawh hi neih a ni a, mi tam takin kawngzawh hi an telpui a, ṭhalai lam hmuh tur an tam hle a ni.

INPT-te hian state chhunga National Register of Citizenship (NRC) kalpui ve an ngiat a, Citizen­ship amendment Bill kalpui an duh loh thu an auchhuahpui bakah TTAADC-ah thuneihna tam zawk pek an ngiat bawk a ni. Heng bakah hian Tripura-a Inner Line Permit (ILP) kalpui te, Kokbo­rok ṭawng 8th schedule of the constitution-a telh ve an ngiat bawk.

INPT kaihhruaina hnuaia kawngzawh neih hi BJP-IPFT ṭang­rual pawl ten sorkarna an siam hnua INPR kaihhruainaa kawngzawh huiahawt hmasak ber a ni.

Kawngzawhnaah hian INPT president Bijoy Kumar Hrang­khawl, Secretary Jagadish Debbar­ma, Asst.secretary Ra­bindra De­bbarma, Shib Charan Debbar­ma, Youth INPT President Jammu De­bbarma leh Secretary Uma Shan­kar Debbarma-te pawh an tel a ni.