Meghalaya-a hri kai hmuh 72 tling tawh

Meghalaya-ah hri kai hmuh thar pahnih awm belhin, Covid-19 kai hmuh chhuah tawh hi mi 72 an tling tawh a ni. Chief minister Conrad Sangma chuan hri kai hmuh tharte hi Bihar aṭanga haw pakhat leh, Border Security Force (BSF) sipai pakhat an ni tih a sawi. Inrinni liam ta khan hri kai hmuh thar mi pariat an awm a, an zingah hian BSF sipai pathum an tel a, Zirtawpni khan sipai pahnihin hri hi an kai tih hmuh a lo ni tawh bawk.