Assam tuilianin ziaawm lam pan

Assam tuilian chuan zianawm lam a pan ṭan a, state chhunga lui lian pathum chauhin hlauh­awm chhinchhiahna an pel tawh a, an zingah hian Brahmaputra lui a la tel. 

Assam State Disaster Management Authority (ASDMA) chuan Jorhat leh Dhubri-ah Brahamaptura lui hi a la lian a, Sonitpur-ah Jia Barhali leh Nagaon-ah Kopili luite chu an la lian a, lui dangte erawh chuan an kam ṭan tih an  sawi. 

Tuilian hi district 17-a cheng mi 6,80,931 ten an tuar a, thla chinna ram hectare 45,175-a zau chu a chim chhe tawh a ni. Kaziranga National Park, Pobitora Wildlife Sanctuary leh Orang Na­tional Park-te pawh tuilian hian a chim bawk. 

Barpeta district chu tui lian tuar nasa ber niin, mi nuai li chuangin harsatna an tawk a, sorkarin relief camp 62 a siamah mi 4,852 te an la khawsa mek a ni.