Sikkim-ah hri kai thar mi 22 awm

Sikkim-ah Covid-19 kai thar mi 22 hmuh belh an ni a, an zinga mi 20 chu Rhenock, East Sikkim-a quarantine centre-a awm SSB sipai, hri kai tawh aṭanga an kaichhawn a ni. 

Hri kai hmuh thar dang zinga pakhat hi Delhi aṭanga haw a ni a, pakhat hi driver, screening centre aṭanga quarantine centre-a dah tur phurtu a ni a, pawn lama zinchhuahna nei lo zinga hri kai hmasa ber a ni bawk. 

Sikkim-a Covid-19 kai mek awm zat hi 19-ah a tla hniam hman tawh a, mahse mi 22 kai thar an awm belh leh ta a ni. Hri kai hmuh tawh hi mi 125 an tling tawh. 

Tun hnaia hri kai hmuh thar zinga a tam zawk chu paramilitary force lam mi an ni a, hei vang hian health department chuan Army leh paramilitary force-te hnenah an zinna chinte hriattir zel turin a lo ngen tawh a ni.