Guwahati-ah heroin Rs vbc 36 hu an man
Assam police-te chuan Thawhṭanni zan khan Guwahati-ah truck aṭangin heroin, international market-a cheng vaibelchhe 36 hu an man a, ruihhlo neitu nia hriat Manipur mi pahnih an man tel bawk.
Thu an dawn bawhzuiin, joint commissioner of police (Guwahati) Partha Sarathi Mahanta kaihhruai Guwahati city police team chuan Thawhṭanni zan khan NH-37 ah beihpui an thlak a, truck pakhat aṭangin heroin kg 4.5 an an man a ni.
Mahanta chuan ruihhlo an man hi international market-ah Rs vbc 31.5 - 36 hu a nih thu sawiin, Manipur-a Thoubal district mi pahnih, Md Idomi leh Md Nawaz Khan te an man tel thu an sawi. Ruihhlo hi Myanmar aṭangin Manipur kaltlanga lakluh nia hriat a ni bawk.