Sikkim CM hoin Organic Mission review meeting nei

Sikkim chief minister Prem Singh Tamang-Golay hoin Thawhlehni khan Samman Bhawan-ah Organic Mission leh a hmasawn dante thlirin high-level meeting an nei

Meeting-ah hian state agriculture minister Lok Nath Sharma, agriculture leh horticulture department official-te an tel a, Sikkim-a organic farming changtlung leh rintlak zawka kalpui a nih theih dante an sawiho. Department official-te chuan Organic Mission chungchang leh a hmalak dante, ṭhalai zingah a bulṭhut aṭanga a tangkaina zirtir a nih dante an sawifiah.

Sorkar lam pawhin Sikkim State Cooperative Supply and Maketing Federation (SIMFED) enpuina hnuaia Organic Market siam tum a nih thu a sawi ve bawk. He market-ah hian organic products chauh zawrh a ni ang a, hei hi Farmer-Producer Organisation pawhin an chhawr tangkai thei dawn a ni.